საფრანგეთის პრეზიდენტის ემანუელ მაკრონის განცხადებით, უკრაინის მოკავშირეები შექმნიან კოალიციას უკრაინისათვის საშუალო და შორ მანძილზე მოქმედი რაკეტების მიწოდებისთვის. იუწყება .Le Monde
მისი თქმით, გადაწყდა, რომ შეიქმნას კოალიცია სიღრმეში დარტყმებისთვის.
მან ასევე მოუწოდა ევროპელებს აწარმოონ მეტი საბრძოლო მასალა.
ამასთან, მისივე თქმით, პარიზში უკრაინის საკითხზე გამართულ კონფერენციაზე განიხილეს დასავლეთის ქვეყნების სახმელეთო ძალების უკრაინაში გაგზავნის შესაძლებლობა, მაგრამ კონფერეციის მონაწილეებმა ამ საკითხზე კონსენსუსს ვერ მიაღწიეს.
"ჩვენ ეს განვიხილეთ ეს. ახლა არ არსებობს კონსენსუსი ჯარების გაგზავნაზე. მაგრამ მომავალში ამ საკითხზე არაფერია გამორიცხული. ჩვენ ყველაფერს გავაკეთებთ იმისათვის, რომ რუსეთმა არ მოიგოს ეს ომი," - განაცხადა მაკრონმა.
კონფერენციას გერმანიის კანცლერი ოლაფ შოლცი, პოლონეთის პრეზიდენტი ანჯეი დუდა და ევროკავშირის 20-მდე ქვეყნის პრემიერ-მინისტრი ესწრებოდნენ.
შეხვედრაზე ამერიკის შეერთებულ შტატებს წარმოადგენდა სახელმწიფო მდივნის თანაშემწე ევროპისა და ევრაზიის საკითხებში ჯეიმს ო'ბრაიანი, გაერთიანებული სამეფოს კი საგარეო საქმეთა მინისტრი დევიდ ქემერონი.
