რესპუბლიკა სამხრეთ ოსეთი მუდამ და ყოველთვის ასრულებს მიცემულ პირობებსა და თავის თავზე აღებულ ვალდებულებებს, _ უპასუხა სააგენტო "ჯი-ეიჩ-ენს" ე.წ. სამხრეთ ოსეთის ელჩმა რუსეთის ფედერაციაში დიმიტრი მედოევმა კითხვაზე აპირებს თუ არა ოსური მხარე თომას ჰამაბერგისათვის მიცემული პირობის შესრულებას _ გაათავისულოს პატიმრობაში დარჩენილი ორი ქართველი მოზარდი.
"იმედი მაქვს, რომ ეს საკითხი ჩვენი ქვეყნის კონსტიტუციისა და კანონმდებლობის შესაბამისად გადაწყდება", _ აცხადებს დიმიტრი მედოევი და არ აკონკრეტებს ბავშვების გათავისულება ზუსტად 13 დეკემბერს შედგენა თუ არა.
"შემიძლია გითხრათ მხოლოდ ერთი რამ _ სამხრეთ ოსეთი აღებულ ვალდებულებებსა და მიცემულ პირობებს ყოველთვის ასრულებს", _ აცხადებს დიმიტრი მედოევი "ჯი-ეიჩ-ენთან" საუბაში.
შეგახსენებთ, რომ თომას ჰამაბერგისათვის მიცემული პირობის შესაბამისად ე.წ. სამხრეთ ოსეთმა პატიმრობაში დარჩენილი ორი ქართველი მოზარდი 13 დეკემბერს უნდა გაათავისუფლოს.
