უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინის უსაფრთხოების სამსახურის 40-დღიანი ოპერაცია დაამტკიცა, რომელმაც რუსეთს ომის დასრულებისკენ უნდა უბიძგოს.
„გენერალ-მაიორ ევგენი ხმარასგან მოვისმინე ანგარიში ჩვენი შორ მანძილზე მოქმედებ სანქციების გეგმის, საშუალო მოქმედების სანქციებისა და ფრონტზე უკრაინის უსაფრთხოების სამსახურის, კერძოდ, სპეციალური ოპერაციების ცენტრი „ალფას“ შედეგების შესახებ.
უსაფრთხოების სამსახურისთვის დავამტკიცე 40-დღიანი ოპერაცია, რომელიც აგრესორ სახელმწიფოზე ზემოქმედებას და ომის შეწყვეტისკენ მის იძულებას ისახავს მიზნად“, - განაცხადა ზელენსკიმ.
მისი თქმით, ბოლო რამდენიმე თვის განმავლობაში უკრაინის უსაფრთხოების სამსახური სხვადასხვა ტიპის დრონების გამოყენებით ფრონტზე უკრაინის პოზიციების დაცვის ერთ-ერთ ყველაზე მაღალ შედეგებს აჩვენებს.
ზელენსკის განცხადებით, სპეციალური ოპერაციების ცენტრი „ალფა“ ოკუპანტი ძალების ცოცხალი ძალისა და სამხედრო ტექნიკის განადგურების მაჩვენებლებით ლიდერობს.
