აჭარიდან, კერძოდ კი ხულოსა და შუახევის რაიონებიდან, კახეთში, ლაგოდეხის რაიონის სოფლებში არეშფერანსა და ფონაში 34 ოჯახი ჩაასახლეს.
როგორც კახეთის საინფორმაციო ცენტრს ლაგოდეხის მუნიცპალიტეტის გამგებელმა გია გოზალიშვილმა განუცხადა, ეკომიგრანტებისთვის სახლები ლტოლვილთა და განსახლების სამინისტრომ შეიძინა.
`ეს ოჯახები პირველი კატეგორიის დამეწყრილ ზონაში ცხოვრობდნენ და ძველ საცხოვრებელ ადგილზე დარჩენის შემთხვევაში, მათ სიცოცხლეს საფრთხე ემუქრებოდა. ეკომიგრანტის თითოეულ ოჯახს საჩუქრად 1000 ლარი გადაეცა~, - განაცხადა ლტოლვილთა და განსახლების მინისტრმა კობა სუბელიანმა.
