მედვედეის დღევანდელ განცხადებება არის მხოლოდ `პიარგანცხადება და რუსეთისთვის სასურველი რეალობის დაკანონების მცდელობა.~ ასეთი შეფასება ჟურნალისტებთან საუბრისას პარლამენტის საგარეო ურთიერთობათა კომიტეტის თავმჯდომარემ აკაკი მინაშვილმა რუსეთის პრეზიდენტის დღევანდელი განცხადების კომენტარისას გააკეთა.
`რია ნოვოსტის" ინფორმაციით, დიმიტრი მედვედევმა დადებითად შეაფასა ლარსის სასაზღვრო პუნქტის გახსნაზე მიღებული გადაწყვეტილება და ისიც აღნიშნა, რომ დადგება დრო, როცა რუსეთ-საქართველოს შორის სავიზო რეჟიმი გაუქმდება და საქართველო რუსეთს შორის პირდაპირი საჰაერო მიმოსვლა აღდგება.
როგორც მინაშვილი აღნიშნავს, საქართველოსთვის მთავარია ქვეყნის დეოკუპაცია და არა მედვედევის დღევანდელი სიტყვების რელურობა.
მისი თქმით, ამ გარკვეული პოზიტიური ჟესტებით და სვლებით რუსეთი ცდილობს დააკანონოს ე.წ. ახალი რეალობა - დამოუკიდებელი ცხინვალი და აფხაზეთი, და ამბობს, რომ თითქოს ნორმალური ურთიერთობის აღდგენა `დანარჩენ საქართველოსთან" სურს.
`ჩვენთვის არც სავიზო რეჟიმის გამარტივებაა და არც პირდაპირი ფრენების აღდგენა მნიშვნელოვანი იმ პირობებში, როცა საქართველოს 20 პროცენტი ოკუპირებულია," - განაცხადა მინაშვილმა.
ამასთან აღნიშნა, რომ დეოკუპაციის შემდეგ საქართველო მზად იქნება, დაიწყოს საუბარი მეზობელ ქვეყანასთან.
მანვე აღნიშნა, რომ `თუ მედვედევი ფრენების აღდგენას ერთიან საქართველოსთან გულისხმობს, ამაზე რა თქმა უნდა საქართველო დათანხმდება.~
