1-ელ თებერვალს, 19:00 საათზე, ვანო სარაჯიშვილის სახელობის კონსერვატორიის დიდ დარბაზში ვოკალური მუსიკის კონცერტი გაიმართება. კონცერტს თბილისის ზაქარია ფალიაშვილის სახელობის ოპერისა და ბალეტის სახელმწიფო თეატრის სიმფონიური ორკესტრი გამართავს. მონაწილეობენ სოლისტები: ირინე რატიანი, თეიმურაზ გუგუშვილი, სულხან გველესიანი და ლეგი იმედაშვილი. დირიჟორი- ჯანლუკა მარჩიანო.
პროგრამაშია არიები და სცენები ვერდის, პუჩინის, ლეონკავალოს, ჩილეას, ჯორდანოს და ფალიაშვილის ოპერებიდან.
