ევროფესტივალზე საქართველოს წარმომადგენლები სოფო გელოვანი და ნოდიკო ტატიშვილი მეორე ნახევარფინალურ საღამოზე 16 მაისს იმღერებენ. 58-ე ევროფესტივალის კონკურსანტი ქვეყნები კენჭისყრის შედგეად ნახევარფინალებში გადანაწილდა.
14 მაისს პირველ ნახევარფინალზე 16 ქვეყანა: დანია, ხორვატია, უკრაინა, ნიდერლანდები, ავსტრია, სლოვენია, ესტონეთი, რუსეთი, ლიტვა, სერბეთი, ირლანდია, ბელორუსი, კვიპროსი, მონტენეგრო, ბელგია დამოლდოვა. ხოლო, 16 მაისს მეორე ნახევარფინალზე 17 ქვეყანა: ლატვია, აზერბაჯანი, მალტა, ისლანდია, სან მარინო, მაკედონია, ფინეთი, ბულგარეთი, ისრაელი, ნორვეგია, ალბანეთი, უნგრეთი, შვეიცარია, საქართველო, საბერძნეთი, სომხეთი და რუმინეთი წარსდგება.
ევროვიზიის სიმღერის კონკურსის წესის თანახმად ფინალში ავტომატურად გადავლენ: მასპინძელი ქვეყნის შვედეთის, გერმანიის, დიდი ბრიტანეთის, საფრანგეთის, ესპანეთის, იტალიის წარმომადგენლები. დანარჩენი ფინალისტების ვინაობა ნახევარფინალების შედეგად გამოვლინდება.
რიგით 58-ე ევროვიზიის სიმღერის კონკურსის ნახევარფინალებსა და ფინალს შვედეთის ქალაქი მალმე 14,16 და 18 მაისს უმასპინძლებს.