დღეს, 25 იანვარს, ალექსანდრე გრიბოედოვის სახელობის თეატრში ვლადიმერ ვისოცკის დაბადებიდან 75 წელის იუბილისადმი მიძღვნილი საღამო „მე რა თქმა უნდა დავბრუნდები" გაიმართება.
საღამოზე მონაწილეობას მიიღებენ: სალომე ბაკურაძე, ვერიკო ტურაშვილი,ნუგზარ კვაშალი და სხვა ქართველი მომღერლები. ქართველ მომღერლებთან ერთად კონცერტზე რუსი, უკრაინელი და აზერბაიჯანელი მუსიკოსებიც მიიღებენ მონაწილეობას.
რუსი მუსიკოსი, მსახიობი, პოეტი ვლადიმერ ვისოცკი 1938-1980 წლებში მოღვაწეობდა. ვისოცკიმ განსაკუთრებით დიდი პოპულარობა მოიპოვა საკუთარი სიმღერების გიტარაზე შესრულებით.ვისოცკის ეკუთვნის 700-მდე სიმღერა და ლექსი, ითამაშა 30-მდე ფილმში, მონაწილეობდა სპექტაკლებში, კონცერტებით მოიარა თითქმის მთელი ქვეყანა, ხშირად მიდიოდა გასტროლებზე უცხოეთშიც. სასტიკი ცენზურის პირობებში ვისოცკი ეხებოდა აკრძალულ თემებს, მღეროდა ყოველდღიურ საბჭოთა ცხოვრებაზე. ყოველივე ამან მას უდიდესი პოპულარობა მოუტანა.
