- ბატონო ნურკენ თქვენ კომპანია 2012 წლის დასაწყისში გადაიბარეთ. რა შედეგები აქვს კომპანიას ერთი წლის შემდეგ?

- გასული წელი კომპანიისთვის უთუოდ პოზიტიური და ნაყოფიერი იყო. ჩვენთვის ყველაზე მნიშვნელოვანი მაინც ის ფაქტია, რომ გასული წლის განმავლობაში კომპანია კვლავ სტაბილურად და დინამიურად ვითარდებოდა, რასაც ჩვენი ქსელის კორპორატიული მომხმარებლების 21-პროცენტიანი ზრდაც მოწმობს. გვახარებს ის ფაქტი, რომ გასული წლის განმავლობაში კომპანიას მომხმარებლის მხრიდან არ მიუღია არცერთი შენიშვნა საწვავის ხარისხის გამო.
ჩვენი საწვავის ხარიხი მიმდინარე წელს კიდევ უფრო ამაღლდა, რაც ჩვენი ნავთობგადამამუშავებელი ქარხნის „პეტრომიდიას" სრულ მოდერნიზაციას უკავშირდება. ამის შედეგად „პეტრომიდიას" წარმოება ერთმნიშვნელოვნად ევრო 5 სტანდარტზე გადავიდა და არსებული წარმადობა 3,8 მილიონი ტონიდან 5 მილიონ ტონამდე გაზარდა. პროექტის ინვესტიციის მოცულობამ, საბოლოო ჯამში 380 მილიონი დოლარი შეადგინა. სახსრებიდან 170 მილიონი დოლარი სისტემების ინტეგრირებისთვის დაიხარჯა, რამაც ქარხნის წლიური წარმადობა 1,5 მილიონი ტონა დიზელის წარმოება 2.5 მილიონ ტონამდე აიყვანა. ამასთან კომპანიამ დანერგა ახალი პროექტები ნავთობპროდუქტების სატრანსპორტო ლოჯისტიკური ინფრასტრუქტურების სფეროში, კერძოდ შავ ზღვაში ახალი ტერმინალის მშენებლობის სახით, რომელსაც სამჯერ მეტი გამტარობა ექნება. რაც შეეხება ეკოლოგიისა და გარემოს დაცვის საკითხებს, ამისათვის კომპანიამ უკვე გამოყო 50 მილიონ დოლარზე მეტი. ეს თანხა მთლიანად ეკოლოგიური პროგრამების დანერგვას, ასევე ბუნებრივი რესურსების დაცვის მიმართულებით ევროპაში არსებულ მოთხოვნებთან და კანონმდებლობასთან შესაბამისობაში ყოფნას მოხმარდა. თამამად შეიძლება ითქვას, რომ ახლა ჩვენი საწვავი მთლიანად აკმაყოფილებს კიდევ უფრო მაღალ ევროპულ სტანდარტებს.

- გასული წლის განმავლობაში აქტიური განახლება მიმდინარეობდა ავტოგასამართ სადგურებზეც. დასრულდა თუ არა პროცესი და რა სახის რეკონსტრუქცია განხორცილდა?

- აგს-ების განახლება-ოპტიმიზაცია პრაქტიკულად დასრულებულია. განახლებულ სადგურებზე დამონტაჟდა ახალი გამშვები სვეტები და დაიწყო სადგურების სრული ავტომატიზაციის პროცესი, რომელიც მიმდინარე წელსაც გაგრძელდება მანამ, ვიდრე მთელ ქსელს არ მოიცავს. „რომპეტროლ საქართველოს" მიზანია მომხმარებელს ერთნაირი სერვისი შესთავაზოს საქართველოს ნებისმიერ წერტილში მდებარე ავტოგასამართ სადგურზე. ამასთანავე, საქართველოს კანონმდებლობის თანახმად, ჩვენი ყველა სადგური ვიდეოკამერებით აღვჭურვეთ, თუმცა საბედნიეროდ უნდა ითქვას, რომ მათ არავითარი ინცინდენტი არ დაუფიქსირებიათ. მნიშვნელოვანია ისიც, რომ ჩვენი მოძღავი მობილური ლაბორატორია განაგრძობს საცვავის ხარისხის მუდმივ მონიტორინგს. ამიტომ ჩვენი საწვავის ხარისხსი ყოველთვის შეესაბამება სტანდარტებს. ასე რომ რომპეტროლში ზუსტი ჩასხმა და მაღალხარისხიანი საწვავი გარანტირებულია.

- ფინანსური თვალსაზრისით რამდენად მომგებიანი იყო 2012 „რომპეტროლისთვის", რა მაჩვენებლებით დაასრულა წელი კომპანიამ?

- გაყიდვების მიმართულებით „რომპეტროლი" საქართველოს ბაზარზე გასული წლების მსგავსად კვლავ მოწინავე პოზიციებზე იყო. ჩვენი კომპანიის მიერ 2012 წელს ბიუჯეტში შეტანილმა თანხამ 90,033.360 ლარი შეადგინა, ხოლო შემოტანილი საწვავის ოდენობამ 147825 ტონა.
წელს ჩვენი ქსელის მომხმარებლებს სიურპრიზები ელით. ვგეგმავთ გაყიდვაში სრულიად ახალი პროდუქტი დავნერგოთ, თუმცა ამ საკითხზე უფრო დაწვრილებით უმჯობესია მოგვიანებით ვისაუბროთ. ამასთანავე კვლავ მაღალი მოთხოვნა რჩება „ეფიქსზე", რომელიც გასულ წელს მთელს მსოფლიოში განახლებული სარეკლამო იმიჯით წარდგა მომხმარებლის წინაშე. სარეკლამო კლიპში მომხიბლავი დიასახლისები ძრავის სარქველებს საგულდაგულოდ წმენდენ. კონცეფცია შემთხვევით არაა შერჩეული, ვინაიდან ეფიქსი ძრავისათვის სწორედ იმასვე აკეთებს. ჩვენი მომხმარებლები 4 წელიწადში დარწმუნდნენ იმაში რომ ზოგავენ ფულს და იცავენ ძრავას კოროზიისგან, როცა ასხამენ EFIX, რადგანაც ეს საწვავი აუმჯობესებს ძრავის ფუნქციონირებას 13 %-ით, ამცირებს საწვავის მოხმარებას, ამცირებს სარქველებისა და ცილინდრების დაბინძურებას.

- გასული წლის ბოლოსთვის საწვავი თქვენს ქსელში საუკეთესო ფასად იყო წარმოდგენული, არის თუ არა მოსალოდნელი საწვავის კიდევ უფრო გაიაფება?

- პრემიუმ კლასის საწვავზე ამჟამად „რომპეტროლი" მომხმარებელს ბაზარზე ყველაზე დაბალ ფასებს სთავაზობს, ვინაიდან ჩვენ ვინარჩუნებთ მომხმარებლისათვის მაქსიმალური კომფორტისა და საუკეთესო პირობების შექმნის კურსს. ჩვენთან EURO SUPER-ი 8 თეთრით გაიაფდა და ამჟამად 2,25 ლარი ღირს, EFIX EURO PREMIUM-ს 6 თეთრი დააკლდა და მისი ფასი 2,16 ლარი გახდა, EURO REGULAR-ის ფასი 4 თეთრით შემცირდა და 2,05 ლარი შეადგინა, EFIX EURO DIESEL-ი კი 7 თეთრით გაიაფდა და მისი შეძენა 2,22 ლარადაა შესაძლებელი. გაიაფდა EURO DIESEL-იც და მისი ფასი ამჟამად 5 თეთრით ნაკლებს, 2,08 ლარს შეადგენს. ვიმედოვნებთ, რომ არაერთხელ მოგვეცემა საშუალება, მომხმარებელს ჩვენი პროდუქცია კიდევ უფრო მოსახერხებელი პირობებით შევთავაზოთ.

- რა გეგმები აქვს „რომპეტროლ საქართველოს" 2013 წლისთვის?

- 2013 წელს ჩვენ კვლავ განვაგრძობთ ქსელის გაფართოებას და ვიმედოვნებთ, რომ ავოტოგასამართი სადგურების რაოდენობას სოლიდურად გავზრდით. ამასთან მომსახურების გაუმჯობესების მიზნით განახლდება პერსონალიასა და მენეჯერების ტრენინგების ციკლი. ჩვენს უმთავრეს საზრუნავს მუდმივად მომხმარებლების კმაყოფილება და მათთვის შესაფერისი კომფორტის შექმნა წარმოადგენს, შესაბამისად ვეცდებით ისინი სხვადასხვა სახალისო გათამაშებებითა და აქციებით გავანებივროთ.
კომპანია „რომპეტროლ საქართველო" გილოცავთ ახალ წელს და ყველაფერს საუკეთესოს გისურვებთ, რათა ყველას გქონდეთ საშუალება იყიდოთ ახალი მანქანა და იაროთ ჩვენი საწვავით სავსე ავზით.