აშშ-ის ცენტრალური სადაზვერვო სააგენტოს (CIA) ხელმძღვანელი, ჯონ რეტკლიფი მოსკოვში სადაზვერვო სააგენტოებს შორის კავშირების შესანარჩუნებლად იმყოფებოდა, - ამის შესახებ აშშ-ის სახელმწიფო მდივანმა, მარკო რუბიომ განაცხადა.
„მისი ვიზიტი იქ, ძირითადად, რუტინული ხასიათის იყო იმ თვალსაზრისით, რომ მისი მიზანი მხოლოდ სადაზვერვო საკომუნიკაციო არხების დამყარება და გაგრძელება იყო. მსგავსი რამ შეიძლება სასარგებლო აღმოჩნდეს კრიზისის ან კონფლიქტის პერიოდში“, - განაცხადა აშშ-ის სახელმწიფო მდივანმა Fox News-თან ინტერვიუში.
25 აგვისტოს ცნობილი გახდა, რომ CIA-ს დირექტორი ჯონ რეტკლიფი მოსკოვს ეწვია. აშშ-ის პრეზიდენტმა დონალდ ტრამპმა განაცხადა, რომ რეტკლიფის ვიზიტიდან „შესაძლოა, რაღაც გამოვიდეს“.
