უკრაინაში, მილიციის ფორმაში გადაცმული ორი ადამიანი ახალგაზრდა ქალის ბინაში შეიჭრნენ, გაკოჭეს და რამდენიმე საათი მის კომპიუტერზე თამაშობდნენ. ამის შესახებ უკრაინის რივენის ოლქის სახელმწიფო დაცვის სამსახურის წარმომადგენელი იუწყება.
სამართალდამცავების ინფორმაციით, ორმა ახალგაზრდა მამაკაცმა ერთ-ერთი ბინის კარზე დარეკა, რომელიც 28 წლის ქალს ეკუთვნოდა. მათ ქალს თავი მილიციელებად წარუდგინეს და მის ბინაში შეიჭრნენ. შემდეგ დიასახლისი კოლგოტებით გაკოჭეს, დივანზე დააგდეს და კომპიუტერთან სათამაშოდ დასხდნენ.
დაზარალებულმა აღნიშნა, რომ ახალგაზრდები მასთან საერთოდ არ კონტაქტობდნენ, არანაირ ყურადღებას არ აქცევდნენ, თამაშობდნენ კომპიუტერულ თამაშებს და ხუმრობდნენ. რამდენიმე საათის შემდეგ ისინი წავიდნენ, გოგონა კი დაბმული დარჩა დაკეტილ ბინაში. დაზარალებულმა შეძლო მეგობრის ტელეფონის ნომრის აკრეფვა, რომელმაც შემდეგ მილიცია გამოიძახა. სამართალდამცავებს ქალმა კარი კბილებით გაუღო. მილიცია ამჟამად მომხდარის მონაწილეების ვინაობის დადგენას ცდილობს.
