ოპერისა და ბალეტის თეატრის დირექტორი დავით საყვარელიძე პოსტიდან გადადგა. დავით საყვარელიძე თავის გადაწყვეტილებას უკავშირებს იმას, რომ ხელოვნებისა და ოპერის თეატრის განვითარებასთან დაკავშირებით კულტურისა და ძეგლთა დაცვის სამინისტროსთან განსხვავებული პოზიცია აქვს.
მისი თქმით, მას განცხადების დაწერა და სხვა პოზიციაზე გადასვლა ურჩიეს, რაც მიუღებელი აღმოჩნდა.
დავით საყვარელიძემ განცხადება გუშინ, სამინისტროში გამართული შეხვედრის შემდეგ დაწერა.
დავით საყვარელიძის შემცვლელად დირიჟორი გიორგი ჟორდანია სახელდება. ოფიციალურ განცხადებას ამ ცვლილებებთან დაკავშირებით სამინისტრო სავარაუდოდ დღეს გააკეთებს.
