მერი შელის "ფრანკენშტეინის" პირველი გამოცემის ასლი ბაირონის ხელმოწერით 2012 წლის შემოდგომაზე Peter Harrington აუქციონზე მინიმუმ 350 ათას ფუნტ სტერლინგად გაიყიდა. როგორც The Daily Telegraph წერს გარიგების ზუსტი თანხა უცნობია.
წარწერა წიგნზე, რომელიც სემ ჯეიმმა შემთხვევით ბოდლინის ბიბლიოთეკისთვის ბაბუის ქაღალდებში გარკვევისას აღმოაჩინა ასეთია: "ლორდ ბაირონს ავტორისაგან". მერი შელის ხელმოწერის ნამდვილობა ბიბლიოთეკის სპეციალისტებმა დაადასტურეს.
აღმოჩენილი ეგზემპლიარი განსაკუთრებით ფასეულად ითვლება, რადგან 1818 წელს რომანის სულ 500 ეგზემპლიარი ანონიმურად დაიბეჭდა. მათგან 25 ცალი მერიმ მეგობრებისთვის - საჩუქრად დაიტოვა.
სემ ჯეის ბაბუა დუგლასი -1960 წლებში ლეიბორისტული პარტიის წევრი, დაინტერესებული იყო რომანტიკული ლიტერატურით. როგორ და როდის აღმოჩნდა წიგნი ჯეის ოჯახში გაურკვეველია, მაგრამ ცნობილია, რომ ლორდ ბაირონის გარდაცვალების შემდეგ მისი ბიბლიოთეკის ნაწილი მეგობრებს დაურიგდა.
ეგზემპლიარი ღირებულებით 350 ათასი ფუნტი ბრიტანელმა კოლექციონერმა შეიძინა,რომლის სახელს გაზეთი არ ახმოვანებს. იგეგმება წიგნის საჯარი გამოფენა.
ცნობილია, რომ "ფრანკენშტეინი" ლორდ ბაირონის წყალობით დაიწერა, რომელმაც 1816 წლის ზაფხული ჟენევაში პოეტ პერსი შელთან და მის მეუღლე მერისთან ერთად გაატარა.
იმ დროს მწერლები საუბრობდნენ დარვინის ექსპერიმენტებზე,კ ითხულობდნენ გერმანელი ავტორების მოთხრობებს მოჩვენებებზე. მაშინ, ბაირონმა თითოეულს სთხოვა დაეწერა მოკლე მოთხრობა, შედეგად მერი შელის მიერ გამოგონილი ისტორიიდან დაიბადა რომანი "ფრანკენშტეინი"