სამი ამერიკელი სენატორი მხარდაჭერი „ქართული ოცნების“ მიერ ევროკავშირში გაწევრიანების მოლაპარაკებების შეჩერებასა და მიმდინარე საპროტესტო აქციებს ეხმიანებიან.
მათ გამოუცხადა საქართველოს ხალხს, რომელიც „მშვიდობიანად იცავს თავის დემოკრატიულ და ევროპულ მისწრაფებებს“ მმართველი პარტიის „სასტიკი რეპრესიებისგან“.
ჰელსინკის კომისიის თანათავმჯდომარის, დემოკრატი ბენ კარდინის და მაღალი რანგის წევრების, რესპუბლიკელების, როჯერ უიკერის და ჯონ კორნინის ერთობლივ განცხადებაში ნათქვამია, რომ „ქართული ოცნების“ გადაწყვეტილება, გავიდეს ევროკავშირში გაწევრიანების შესახებ მოლაპარაკებებიდან სერიოზული ღალატია ქართველი ხალხის მკაფიო სურვილის, მოცული იყოს ევროპული ღირებულებებითა და ინსტიტუტებით.
"ქართული ოცნების გადაწყვეტილება, უარი თქვას ევროკავშირში გაწევრიანების მოლაპარაკებებზე, სრული ღალატია ქართველი ხალხის ცხადი და აბსოლუტური სურვილისა, იცხოვრონ ევროპული ღირებულებებისა და ინსტიტუტების [გარემოცვაში]. ასე იქცევა არა ის მთავრობა, რომელიც დემოკრატიული რეფორმებისა და პლურალიზმისკენაა მიდრეკილი, არამედ სახიფათო რეჟიმი, რომელსაც საქართველო რუსული სტილი ავტოკრატიისკენ მიათრევს. ეს ქმედებები უხეშად არღვევს დემოკრატიის საერთაშორისო ნორმებს და ძირს უთხრის ქართველი ხალხის ლეგიტიმურ მისწრაფებებს.
ჩვენ კატეგორიულად ვგმობთ მშვიდობიანი დემონსტრანტების წინააღმდეგ განხორციელებულ ძალადობას - ცრემლსადენი გაზის, რეზინის ტყვიების, წყლის ჭავლის მანქანების, ცემის, მასობრივი დაკავებების ადგილი თბილისის ქუჩებში არ არის. საქართველოს ხელისუფლება, რომელიც ადამიანის უფლებების დარღვევასა და დემოკრატიული პრინციპების ეროზიაზეა პასუხისმგებელი, ანგარიშვალდებულია საკუთარი ხალხისა და საერთაშორისო საზოგადოების წინაშე. ქართველი ხალხის მიერ გაღებული მსხვერპლი ევროატლანტიკური ინტეგრაციისთვის ჩვენს განგრძობად სოლიდარობასა და მოქმედებას მოითხოვს". - წერია სენატორების განცხადებაში.
ფოტო: რადიო თავისუფლება
