ისრაელში ყველაზე ძვირადღირებული ბინა 34 მლნ დოლარად გაიყიდა. როგორც უცხოური მედია იყტობინება, ებრაული წარმოშობის კანადელმა მეწარმემ სილვან ადამსსმა, თელ-ავივში მდებარე, 2 სართულიან პენტჰაუსში 34 მლნ დოლარი გადაიხადა. როგორც ირკვევა, ეს არის ყველაზე ძვირადღირებული გარიგება, რაც კი ისრაელში ბინების გასხვისებაზე დადებულა. საცხოვრებელის ფართი 1000 კვ/მ-ია, საიდანაც 300 კვ/მ აივანს აქვს დათმობილი.
აღსანიშნავია, რომ ბინა თელ-ავივის პრესტიჟულ უბანში, 21 სართულიან სახლში მდებარეობს, სადაც სულ 40 აპარტამენტია განლაგებული და საიდანაც 36 უკვე გაყიდულია.
