მეორე მსოფლიო ომში გამარჯვების 80 წლისთავის აღსანიშნავ დღეებში უკრაინაში ცეცხლის შეწყვეტა გამოცხადება ვლადიმირ პუტინის მხრიდან „კეთილი ნების გამოვლინებაა“. ამის შესახებ რუსეთის პრეზიდენტის პრესმდივანმა დმიტრი პესკოვმა განაცხადა.
„პრეზიდენტი ჰუმანიტარული მოსაზრებებით ხელმძღვანელობს. ეს, ფაქტობრივად, რუსეთის სახელმწიფოს მეთაურის კეთილი ნების გამოვლინებაა, რაც ხაზს უსვამს ჩვენს მზადყოფნას, მშვიდობიანი დარეგულირების ტრაექტორიაზე გადავიდეთ“, - თქვა პესკოვმა.
შეგახსენებთ, დღეს, რუსეთის პრეზიდენტმა, ვლადიმირ პუტინმა მეორე მსოფლიო ომში გამარჯვების 80 წლისთავის აღსანიშნავ დღეებში უკრაინაში ცეცხლის შეწყვეტა გამოაცხადა.
კრემლში განმარტეს, რომ თუ უკრაინული მხარე დაარღვევს ცეცხლის შეწყვეტის შეთანხმებას, ამას რუსი სამხედროების მხრიდან „ადეკვატური და ეფექტური რეაგირება“ მოჰყვება.
