28 აპრილს, ავიამზიდ USS Harry S. Truman-ის მიერ ჰუსიტების თავდასხმის თავიდან ასაცილებლად განხორციელებული მკვეთრი მანევრის დროს, F/A-18 Super Hornet-ის ტიპის გამანადგურებელი წითელ ზღვაში გადავარდა და ჩაიძირა. ამის შესახებ CNN აშშ-ის სამხედრო საზღვაო ძალებზე დაყრდნობით იუწყება.
საზთვაო ძალების ცნობით, F/A-18E ანგარში გადაჰყავდათ, როდესაც ეკიპაჟმა თვითმფრინავზე კონტროლი დაკარგა. გამანადგურებელი გადამუვანთან ერთად ზღვაში გადავარდა.
მათივე ინფორმაციით, მეზღვაურებმა საფრთხისგა, თავის დაღწევა მოასწრეს, ვიდრე გამანადგურებელი გემბანიდან გადავარდებოდა. მომხდართან დაკავშირებით მიმდინარეობს გამოძიება.
CNN-ის ცნობით, 28 აპრილს ჰუსიტებმა განაცხადეს, რომ მათ წითელ ზღვაში აშშ-ის ავიამზიდზე დრონებითა და რაკეტებით თავდასხმა განახორციელეს. ეს მოხდა დაჯგუფების წინააღმდეგ აშშ-ის მიერ მასშტაბური ოპერაციის ფონზე.
ინციდენტის დროს ავიამზიდ USS Harry S. Truman-დან ზღვაში F/A-18 Super Hornet-ის ტიპის გამანადგურებელი გადავარდა.
აშშ-ის ოფიციალური პირების თქმით, გემი იძულებული გახდა მკვეთრად შეეცვალა კურსი, რათა თავიდან აეცილებინათ თავდასხმა, რის შედეგადაც თვითმფრინავი ზღვაში გადავარდა და ჩაიძირა.
ერთი ასეთი გამანადგურებლის ღირებულება 60 მილიონ დოლარს აღემატება.
აშშ-ის საზღვაო ძალებში აღნიშნეს, რომ ინციდენტის დროს „ტრუმენის“ დამრტყმელი ჯგუფი წითელ ზღვაში იმყოფებოდა და საბრძოლო მისიების შესრულებას აგრძელებდა.
CNN-ის სტატიაში აღნიშნულია, რომ ეს ავიამზიდთან დაკავშირებული პირველი ინციდენტი არ არის. თებერვალში, „ტრუმენი“ ეგვიპტის სანაპიროსთან სავაჭრო გემს შეეჯახა, მაშინ შემთხვევის შედეგად არავინ დაშავებულა.
