დღეს, 1-ელ დეკემბერს, ჰოლანდიაში, "ჰეინეკენის მიუზიკ ჰოლში" 2012 წლის საბავშვო ევროვიზიის კონკურსი ჩატარდება.
2012 წლის ევროფესტივალს ჰოლანდია მასპინძლობს. საბავშვო ევროვიზიის სიმღერის კონკურსში 12 ქვეყანა მიიღებს მონაწილეობას: ალბანეთი, სომხეთი, აზერბაიჯანი, ბელორუსი, ბელგია,საქართველო, ისრაელი, მოლდოვა, ჰოლანდია, რუსეთი, შვედეთი და უკრაინა.
საქართველოს 2012 წლის საბავშვო ევროფესტივალზე წარადგენს საზოგადოებრივი მაუწყებლის საპროდიუსერო ჯგუფის მიერ შერჩეული ოთხი ბავშვი: ქეთი სამხარაძე, ნინი დაშნიანი, ელენე არაჩაშვილი და ლუკა ყარმაზანაშვილი, რომლებიც ერთ ჯგუფში გაერთიანდნენ.
საქართველო საბავშვო ევროფესტივალის გამარჯვებული ორჯერ გახდა. 2011 წელს საქართველოს წარმომადგენელმა ჯგუფმა "ქენდიმ", ხოლო 2008 წელს ჯგუფმა "ბზიკებმა" გამარჯვება მოიპოვეს.
ჰოლანდიამ საბავშვო ევროფესტივალს 2007 წელს როტერდამში უმასპინძლა; ხოლო კონკურსის გამარჯვებული 2009 წელს გახდა.
