დღეს, 1-ელ დეკემბერს, 20:00 საათზე, კინოს სახლში გაიმართება მართლმადიდებლური ფილმების მეშვიდე საერთაშორისო ფესტივალზე "წმინდა ანდრიას ჯვარი" გამარჯვებული ფილმების ჩვენება.
წარმოდგენილი იქნება ქართველი და უცხოელი კინოდოკუმენტალისტების, სასულიერო პირებისა და დამწყები ახალბედა ავტორების მიერ შექმნილი მოკლე და სრულემტრაჟიანი დოკუმენტური ფილმები, რომლებიც ტრადიციულ ფესტივალზე (18-22 ოქტომბერს, ბათუმში) დაჯილდოვდნენ სხვადასხვა ნომინაციაში როგორც ჟიურის მიერ დაწესებული პრიზით და მედლის "წმინდა ანდრიას ჯვარი", ასევე ფესტივალის საორგანიზაციო კომიტეტის (სტუდია "მეოხის") მიერ დაწესებული "სიგელ-გუჯარებით".
ჩვენება დაიწყება 1-ელ დეკემბერს 20:00 საათზე, 2 დეკემბერს 14:00 საათზე. დასწრება თავისუფალია.
დოკუმენტური ფილმების ჩვენება დაგეგმილია საქართველოს მართლმადიდებლური სამოციქულო ეკლესიის ყველა ეპარქიაში, მათ შორის საზღვარგარეთ.
