დღეს, 27 ნოემბერს, 19:00 საათზე, თიბისი გალერეაში გაიმართება პრემიერა - პირველი საოპერო თოჯინური სპექტაკლი საქართველოში: ჯოაკინო როსინის „სევილიელი დალაქის" მიხედვით. სპექტაკლის რეჟისორია ბესო კუპრეიშვილი.
სპექტაკლი გაფორმებულია ოპერის ორიგინალი ჩანაწერებით და ადაპტირებულია ბავშვებისათვის 4 წლიდან. ეს არის პირველი საოპერო თოჯინური სპექტაკლი, რომელსაც თავისი ფორმატითა და შესრულებით საქართველოში ანალოგი არ მოეძებნება.
სპექტაკლის წინ გათვალისწინებულია პროლოგი - ნოდარ ანდღულაძის შესავალი,
რომელიც ბავშვებისათვის გასაგებ ენაზე ახსნის ოპერის შინაარსს.
სპექტაკლი სტილიზებულად მიმსგავსებული იქნება დიდი საოპერო თეატრის ატმოსფეროსთან.
