ერევნის რუსულ-სომხურ უნივერსიტეტში პირველი ქართული დოკუმენტური ფილმის - "აკაკი წერეთლის მოგზაურობა რაჭა-ლეჩხუმში" - 100 წლის იუბილესადმი მიძღვნილი ჩვენება გაიმართა.
როგორც "ჯი-ეიჩ-ენს" ორგანიზატორმა შალვა ხმალაძემ განუცხადა, ჩვენება გაიმართა საერთაშორისო ახალგაზრდული კულტურულ-საგანმანათლებლო კონფერენციის ფარგლებში. ჩვენებას 15-მდე სტუდენტი და მოწვეული სტუმარი ესწრებოდა.
"სომხეთი მეცხრე ქვეყანაა გერმანიის, პოლონეთის, ავსტრიის, ჩეხეთის, უკრაინის, ლატვიის, ლიტვისა და შვედეთის შემდეგ, სადაც ფილმი მისი გადაღებებიდან 100 წლისთავისადმი მიძღვნილი ჩვენების ფარგლებში იყო წარმოდგენილი", - გნაცხადა მან.
ფილმის ავტორია ვასილ ამაშუკელი. ფილმი მოგვითხრობს აკაკი წერეთლის 12-დღიან მოგზაურობაზე რაჭა-ლეჩხუმში.
