დოკუმენტური ფილმის - "მანქანა რომელიც ყველაფერს გააქრობს" - საერთაშორისო პრემიერას ამსტერდამის დოკუმენტური კინოს საერთაშორისო ფესტივალი IDFA უმასპინძლებს.
ფესტივალზე ფილმი წარდგენილია საუკეთესო დებიუტის, ახალგაზრდობისათვის შექმნილი, საუკეთესო ფილმისა და მაყურებლის პრიზის ნომინაციებში.
ფილმის იდეის ავტორი და რეჟისორია თინათინ გურჩიანი, პროდიუსერი თამარ გურჩიანი. მონაწილეობენ: რამინ ირემაძე, ჯემალ აბულაძე, თეონა ბაგრატიონი, ირაკლი კაკუბავა, შუქია წიკლაური, გიორგი ქარსელაძე, ზაზა გიორგობიანი, ირი თოდრიაშვილი და სხვა.
ფილმში ასახულია , თუ რა ლამაზი ან რთული შეიძლება იყოს ცხოვრება, როდესაც გმირობაზე ოცნებობ, ფილმი სიყვარულზე, იმედგაცრუებაზე, ომსა და ოცნებაზე. ფილმის გადაღება განხორციელდა საქართველოს ეროვნული კინოცენტრის, გოეთეს ინსტიტუტისა და რობერტ ბოსის ფონდის ფინანსური მხარდაჭერით. გადაღებები მიმდინარეობდა 2011 წლის შემოდგომაზე, 20 დღის განმავლობაში საქართველოს სოფლებსა და ქალაქებში, მათ შორის თბილისში, ხულოს რაიონის სოფ. ღორჯომში, წყალტუბოში, ამბროლაურის რაიონის სოფ. ხცისში მარნეულში.
ფილმის გერმანული პრემიერა ლაიფციგის დოკუმენტური კინოს ფესტივალზე გაიმართა.
