თბილისში გასული ორი დღის განმავლობაში UNESCO-ს, ICOMOS-ის (ძეგლებისა და ღირსშესანიშნავი ადგილების საერთაშორისო საბჭო), ICCROM-ისა (კულტურული მემკვიდრეობის კვლევის, დაცვისა და რესტავრაციის საერთაშირსო ცენტრი) და IUCN-ის (ბუნების დაცვის საერთშორისო კავშირი) ექსპერტებმა, აღმოსავლეთის, სამხრეთ-აღმოსავლეთისა და ცენტრალური ევროპის 20 ქვეყნის 22 წარმომადგენელს, იუნესკოს პერიოდული ანგარიშების მომზადების მნიშვნელობა და მისი შექმნის ფორმები გააცნეს, რაც მსოფლიო კულტურული მემკვიდრეობის კონვენციის შესრულების აუციელებელ პირობას განსაზღვრავს.
იუნესკოს რეგიონალური სამუშაო შეხვედრები თბილისში წარმატებით დასრულდა. ორ დღიანი ვორქშოპის შემდეგ, დღეს იუნესკოს წევრი ქვეყნების წარმომადგენლებმა დასვენების განტვირთვისა და საქართველოს გაცნობის მიზნით ქვეყნის ღირშესანიშნავი ადგილები, მათ შორის გელათისა და ბაგრატის არქიტექტრული კომპლექსები მოინახულეს.
კულტურული მემკვიდრეობის სფეროში საქართველო პირველად გახდა UNESCO-ს რეგიონალური შეხვედრის მასპინძელი ქვეყანა. ამ მიმართულებით ღონისძიებები და საორგანიზაციო საკითხები საქართველოს კულტურული მემკვიდრეობის ეროვნული სააგენტოსა და საქართველოს საგარეო საქმეთა სამინისტროს იუნესკოს საქმეთა ეროვნული კომისიის თანამშრომლობით განხორციელდა.