დღეს, 15 ნოემბერს, თბილისის საკონცერტო დარბაზში ფონდი "იავნანა" საქველმოქმედო გალაკონცერტს გამართავს. კონცერტზე შესრულდება ქართველ კომპოზიტორთა ცნობილი ნაწარმოებები.
ღონისძიებაში მონაწილეობენ ლიანა ისაკაძე, ნანი ბრეგვაძე, პაატა ბურჭულაძე, თამარ ივერი, თამარ გვერდწითელი, ნატო მეტონიძე, ნინო ქათამაძე, ეკა მამალაძე, მაია ჯაბუა, დათო ევგენიძე, ლიზა ბაგრატიონი, სოფო ნიჟარაძე, ვახტანგ კიკაბიძე, ქართული ხმები, შვიდკაცა, ნუკრი კაპანაძე, ნეკა სებისკვერაძე, საქართველოს სიმფონიური ორკესტრი, დირიჟორები: ნიკოლოზ რაჭველი და ზაზა აზმაიფარაშვილი.
აქციაში ქართველ ვარსკვლავებთან ერთად მონაწილეობას მიიღებს ამერიკელი სოპრანო მიშელ კრაიდერი.
კონცერტის დასასრულს სახლის გასაღები გადაეცემა სოციალურად დაუცველ ოთხ მრავალშვილიან ოჯახს, ასევე სწავლა დაუფინანსდება 32 სტუდენტს.
