დღეს, 10 ნოემბერს, 15:00 საათზე, საქართველოს თეატრის, მუსიკის, კინოსა და ქორეოგრაფიის სახელმწიფო მუზეუმში გაიმართება მხატვარ ზურაბ სიმონიშვილის პერსონალური გამოფენა, სახელწოდებით "ფიქრები და ფერები".
საგამოფენო დარბაზში წარმოდგენილი იქნება მხატვრის მიერ შესრულებული ფერწერული და გრაფიკული ნამუშევრები, ასევე კომპიუტერული გრაფიკა.
სიმონიშვილი თვითნასწავლი მხატვარია. 10 ნოემბერს მუზეუმში ზურაბ სიმონიშვილის პირველი პერსონალური გამოფენა გაიმართება, აქამდე მისი ნამუშევრები ფართო საზოგადოებას არ უნახავს.
საგამოფენო დარბაზში მხატვრის 50-მდე ნამუშევარი იქნება წარმოდგენილი. ერთი კვირის განმავლობაში ყველა მსურველს ექნება საშუალება, დაათვალიეროს პროექტის მიერ აღმოჩენილი კიდევ ერთი ნიჭიერი ადამიანის შემოქმედება.