სინეტიკის თეატრი ვაშინგტონში 11 წლის წინ საქართველოდან წასულმა ემიგრანტებმა, პაატა და ირინა ციქურიშვილებმა დააარსეს. ვაშინგტონის თეატრალურ ოსკარად წოდებულ ჰელენ ჰეისის პრემიაზე მიმდინარე წელს 28-ე ცერემონიალზე დედაქალაქის 84 თეატრი მონაწილეობდა და 153 ნომინანტს შორის სინეტიკის "მეფე ლირმა" დრამატულ თეატრებში ყველაზე მეტი -11 კატეგორიაში 4 პრიზი აიღო. თავისი არსებობის 11 წლის განმავლობაში თეატრს ჰელენ ჰეისის 89 ნომინაცია და 25 პრიზი აქვს მოპოვებული. ჰელენ ჰეისის წელს მოპოვებული 4 პრიზიდან ერთ-ერთი ირაკლი კავსაძემ კონსტანტინე ლორთქიფანიძესთან ერთად სწორედ "მეფე ლირის" ხმის რეჟისურაში მიიღო. სპექტაკლში კი ლირს განასახიერებს. ციქურიშვილმა კი მაყურებელთა ფავორიტს - ბროდვეის სახელგანთქმულ შოუს "ჰეარსფრეის" მოუგო და ბენ ქუნისთან ერთად საუკეთესო ქორეოგრაფის ჯილდო მიიღო, სილაში ცეკვისათვის ისევ "მეფე ლირში". სპექტაკლში ასევე მონაწილეობს ირაკლი კავსაძის 19 წლის ქალიშვილი ირინა, რომელიც უკვე რამდენიმე წელია სინეტიკის დასში ირიცხება.

რუსთაველის თეატრის განვითარების ფონდის ინიციატივით ამერიკის საელჩოსთან გაფორმდა მემორანდუმი, რომელიც ითვალისწინებს სინეტიკის თეატრის მოწვევას საქართველოსა და ამერიკის მეგობრობის 20 წლისთავისადმი მიძღვნილი პროექტის ფარგლებში. პროექტი ხორციელდება რუსთაველის თეატრის განვითარების ფონდის ინიციატივით ამერიკის საელჩოს, საქართველოს კულტურისა და ძეგლთა დაცვის სამინისტროს, კომპანია "რობერტო ბრავოსა" და "ვი თი ბი ბანკის" ფინანსური მხარდაჭერით.

ორი ქართული პროექტი გერმანიაში, კოტბუსის ფესტივალზე იქნება წარდგენილი.