დღეს, 25 ოქტომბერს, მხატვარ ავთანდილ ვარაზის დაბადებიდან 86 წელი შესრულდა. ავთო ვარაზი დაიბადა 1926 წლის 25 ოქტომბერს თბილისში დაიბადა.
ვარაზმა ადრე დაიწყო ხატვა. ძირითადად მუშაობდა პორტრეტისა და ნატურმორტის ჟანრში. მისი ფსიქოლოგიური პორტრეტები განმსჭვალულია ადამიანისადმი ღრმა თანაგრძნობით. ვარაზის ნატურმორტებისთვის დამახასიათებელია კომპოზიციის სისადავე, საგნებისა და სივრცის ორგანიზებული ერთიანობა. მხატვარი ფიქრობდა, რომ ფერწერას ვერავინ გასწავლის: "თავისი თავის მასწავლებელი მხატვარი თავად უნდა იყოს". განსაკუთრებული დამოკიდებულება ჰქონდა ხელოვნებასთან და ამბობდა: "ხელოვნება არის იქ, სადაც სულიერება და გრძნობაა".
ვარაზმა გააფორმა კინოფილმი "ფიროსმანი", სადაც ფიროსმანის როლი თავად შეასრულა. მხატვარი 51 წლის ასაკში, 1977 წელს მარტში გარდაიცვალა, ხოლო ამავე წლის მაისში შედგა მისი ნამუშევრების პირველი პერსონალური გამოფენა.
