დღეს, 22 ოქტომბერს, 17: 00 საათზე, გალერეა "ვერნისაჟში" ცნობილი ქართველი მხატვრის, 1980-იანელთა თაობის ერთერთი გამორჩეული შემოქმედის - ჯემალ კუხალაშვილის რიგით 27-ე პერსონალურ გამოფენა „რომელმან შექმნა სამყარო" გაიმართება.
გამოფენა მხატვრის 60 წლის იუბილეს და შოთა რუსთაველს და მისი უკვდავი პოემის "ვეფხისტყაოსნის" ბეჭდური გამოცემიდან მესამასე წლითავს ეძღვნება.
გამოფენაზე ასევე გაიმართება მხატვრის პოეტური კრებულის „მე არა" პრეზენტაცია.
ჯ. კუხალაშვილის ნამუშევრები დაცულია საქართველოს ხელოვნების მუზეუმში, ტრეტიაკოვის გალერეაში.კერძო კოლექციებში: აშშ-ბილ ჯოელის, სტენლი ტალკოტის, ქეთევან ბაგრატიონის, გია ჯოხთაბერიძის, დიმიტრი ბერკუტოვის, ბიძინა ივანიშვილის, რუსეთის გერმანიის, პოლონეთის, ჩეხოსლოვაკიის, იტალიის, უნგრეთის, ისრაელის, აშშ-ს, ინგლისის კერძო მფლობელებთან.
