დღეს, 12 ოქტომბერს, 18:00 საათზე, თიბისი არტ გალერეაში თანამედროვე ქართული მხატვრის, ე.წ. 80-იანელთა წარმომადგენლის, გია გუგუშვილის პერსონალური გამოფენა გაიხსნება.
ექსპოზიციაზე წარმოდგენილი იქნება მხატვრის მიერ სპეციალურად თიბისი გალერეისთვის შექმნილი ნამუშევრები.
თიბისი არტ გალერეაში, ბანკის ერთ-ერთი საიუბილეო პროექტის ფარგლებში, ეს უკვე მესამე ექსპოზიციაა. გალერეამ უკვე უმასპინძლა ცნობილი ქართველი მხატვრების, ზურაბ ნიჟარაძისა და მამია მალაზონიას პერსონალურ გამოფენებს.
