"ატლანტა ჰოუქსს", ერთმატჩიანი შესვენების შემდეგ ზაზა ფაჩულია დაუბრუნდა.
ქართველმა ცენტრმა "ვაშინგტონ ვიზარდსთან" ითამაშა და 24 წუთი დაჰყო მოედანზე.
მიუხედავად იმისა, რომ ფარქვეშ ფაჩულია ჩვეულად აქტიური ვერ იყო და მხოლოდ 4 მოხსნა მოაგროვა, სამაგიეროდ, შესანიშნავი სროლების სიზუსტე გამოავლინა და 13 ქულას მოუყარა თავი.
ფაჩულიამ 6-დან 5 ორქულიანი ჩააგდო, 6-დან 3 საჯარიმო გამოიყენა და საკუთარი გუნდის გამარჯვებაში (95:92) თავისი წვლილი შეიტანა.
29 მოგებითა და 20 წაგებით, "ატლანტა", "ინდიანასთან" ერთად, 5-6 ადგილებს იყოფს.