”ქართულმა ოცნებამ” შეკრიბა პარლამენტი სასამართლოს საბოლოო გადაწყვეტილების გარეშე, შესაბამისად, ლეგიტიმურობა ამ ადამიანების შეკრებისა, რომლებიც თავიანთ თავს პარლამენტის წევრებს უწოდებენ, უნდა იყოს დაუშვებელი, - ამის შესახებ “კოალიცია ცვლილებისთვის ერთ-ერთმა ლიდერმა ნიკა გვარამიამ სტრასბურგში ევროპარლამენტარებთან ერთობლივ პრესკონფერენციაზე განაცხადა.
როგორც გვარამიამ აღნიშნა, პირველად ჩვენს ისტორიაში არცერთი დიპლომატი არ დაესწრო თვითგამოცხადებული პარლამენტის კრებას. ეს იყო უბრალოდ ადამიანთა დაჯგუფება, რომლებმაც ერთმანეთს უწოდეს პარლამენტის წევრები
“საქართველოს პრეზიდენტმა ამ არჩევნებს უწოდა რუსეთის სპეცოპერაცია, ახალი ტიპის ჰიბრიდული ომი და რუსეთის მიერ საქართველოს დაპყრობის ახლებური გზა. მან მთავრობას არჩევნების ხელახალი ჩატარებისკენ მოუწოდა, რაც ჩვენი გადმოსახედიდან არის ერთადერთი შესაძლებლობა, რომ მოგვარდეს კონსტიტუციური და პოლიტიკური კრიზისი ჩვენს სამშობლოში. ამ და სხვა ბევრი მიზეზის გამო არც ერთი საერთაშორისო თუ შიდა დამკვირვებელი არ უწოდებს საქართველოში ჩატარებულ არჩევნებს თავისუფალ თუ სამართლიანს. სწორედ ამიტომ, პირველად ჩვენს ისტორიაში არცერთი დიპლომატი არ დაესწრო თვითგამოცხადებული პარლამენტის კრებას. ეს იყო უბრალოდ ადამიანთა დაჯგუფება, რომლებმაც ერთმანეთს უწოდეს პარლამენტის წევრები. ე.წ. პარლამენტის შეკრება მოხდა კონსტიტუციური დებულებების დარღვევით, საქართველოს პრეზიდენტის მონაწილეობის გარეშე, შესაბამისად არჩევნების შედეგები გასაჩივრებულია კონსტიტუციურ სასამართლოში, შესაძლოა, გაუქმდეს ეს შედეგები, მიუხედავად ამ ფაქტისა, ”ქართულმა ოცნებამ” შეკრიბა პარლამენტი სასამართლოს საბოლოო გადაწყვეტილების გარეშე, შესაბამისად, ლეგიტიმურობა ამ ადამიანების შეკრებისა, რომლებიც თავიანთ თავს პარლამენტის წევრებს უწოდებენ, უნდა იყოს დაუშვებელი და ეს უნდა ჩაითვალოს კონსტიტუციური წესრიგის მოშლად ქვეყანაში.
ოთხმა პარტიამ უარი თქვა პარლამენტის ლეგიტიმაციაზე, რაც არის “ქართული ოცნების” დელეგიტიმაციისაკენ მიმართული ძალისხმევა, რომელმაც მიიტაცა ძალაუფლება. სწორედ ჩვენი ძალის ფარგლებშია და საჭიროებს ჩვენს კონსოლიდირებულ მცდელობას, რომ შევაჩეროთ რუსი ოლიგარქი ივანიშვილი და მისი რეჟიმი, სანამ კიდევ უფრო დიდ ზიანს მიაყენებენ ქართველებს და მთელ დასავლურ გეოპოლიტიკურ სტრუქტურას.
რისი თქმაც მსურს, არის ის, რომ აუცილებელია, მოხდეს დელეგიტიმაცია ამ რეჟიმის და ეს არის, რა თქმა უნდა, ქართველი ხალხის მთავარი მიზანი, არც ერთი ნაბიჯი უკან.
ძალიან გთხოვთ, ნუ დაიღლებით საქართველოსგან, ჩვენ ვიბრძვით დემოკრატიულობისა და ჩვენი სამშობლოს ევროპული მომავლისთვის. სიტუაცია არის ძალიან მძიმე და ყველაფერი შეიძლება შეიცვალოს ძალიან სწრაფად, პოზიტიურად, რა თქმა უნდა”, - განაცხადა ნიკა გვარამიამ.
