ირლანდიაში, ნაფიცმა მსაჯულებმა შე­რე­უ­ლი საბ­რძო­ლო ხე­ლოვ­ნე­ბის ირ­ლან­დი­ე­ლი მებრძოლი კონორ მაკგრეგორი დამნაშავედ ცნო ქალის გაუპატიურებაში იუწყება Associated Press.

სასამართლოს გადაწყვეტილებით, მაკგრეგორს დაზარალებულისთვის 250 ათასი ევროს გადახდა მოუწევს. საქმე განიხილებოდა სამოქალაქო და არა სისხლის სამართლის სასამართლოში, რაც იმას ნიშნავს, რომ მაკგრეგორს პატიმრობა არ ემუქრებოდა.

ირლანდიელმა პროკურორებმა, რომლებიც თავდაპირველად აწარმოებდნენ გამოძიებას, გადაწყვიტეს მაკგრეგორისთვის ბრალი არ წაეყენებინათ და განაცხადეს, რომ მის წინააღმდეგ არსებული მტკიცებულებები არასაკმარისი იყო სისხლის სამართლის სასამართლოში გამამტყუნებელი განაჩენის გამოსატანად.

ირლანდიის სამოქალაქო სამართალწარმოებაში, ისევე როგორც სხვა ანგლო-საქსური სამართლებრივი სისტემების მქონე ქვეყნებში, უფრო დაბალი მტკიცებულების სტანდარტებია.

შემთხვევა 2018 წლის დეკემბერში მოხდა. ქალის თქმით, მაკგრეგორმა გააუპატიურა და სცემა დუბლინში, სასტუმრო Beacon-ის პენტჰაუსში. ექსპერტიზამ მასზე სისხლჩაქცევები და ნაკაწრები დააფიქსირა.

სა­ვა­რა­უ­დო და­ზა­რა­ლე­ბუ­ლი, ნი­კი­ტა ჰენ­დი მა­კგ­რე­გო­რის­ა და კი­დევ ერთი კა­ცის­გან ზი­ა­ნის ანა­ზღა­უ­რე­ბას ითხოვდა. 

საქ­მის პრო­კუ­რორ­მა ნა­ფიც მსა­ჯუ­ლებს გა­ნუ­ცხა­და, რომ სა­ვა­რა­უ­დოდ, ჰენ­დი­ზე სექ­სუ­ა­ლუ­რი ძა­ლა­დო­ბა 2018 წლის 9 დე­კემ­ბერს მოხ­და. და­ნა­შა­უ­ლის ჩამ­დე­ნი პი­რე­ბი კი კო­ნორ მა­კგ­რე­გო­რი და ჯე­იმს ლო­უ­რენ­სი არი­ან.