ჯო ბაიდენის ადმინისტრაცია გააძლიერებს უკრაინის მხარდაჭერას დონალდ ტრამპის საპრეზიდენტო თანამდებობაზე დაბრუნებამდე და ნატო-ს გაძლიერებას შეეცდება.
ამის შესახებ აშშ-ის სახელმწიფო მდივანმა ენტონი ბლინკენმა განაცხადა, იუწყება Reuters.
ბლინკენმა თქვა, რომ ნატო-ს გენერალურ მდივან მარკ რუტესთან შეხვედრაზე განიხილეს უკრაინის მხარდაჭერის გაგრძელება და სამუშაო, რომელიც ნატო-მ უნდა შეასრულოს თავდაცვის ინდუსტრიული ბაზის გასაძლიერებლად.
მისი თქმით, აშშ-ს მიმავალი ადმინისტრაცია უკრაინის დახმარების გაძლიერებას, რათა მას ჰქონდეს თავდაცვის საშუალება.
„პრეზიდენტი ბაიდენი მოწოდებულია სრულად გადალახოს ეს ეტაპი და გამოიყენოს ყოველი დღე, რათა გააგრძელოს ის, რაც ჩვენ გავაკეთეთ ბოლო ოთხი წლის განმავლობაში, რაც ამ ალიანსის გაძლიერებას უწყობს ხელს“, - თქვა ბლინკენმა.
ბლინკენმა ასევე თქვა, რომ ჩრდილოეთ კორეის ჯარისკაცების გაგზავნა რუსეთის დასახმარებლად უკრაინის ომში "მკაცრ პასუხს" მიიღებს.
„ჩვენ ახლა ვხედავთ ჩრდილოეთ კორეის ძალების შეყვანას ბრძოლაში და ეს არის ღრმა და წარმოუდგენლად საშიში განვითარება ორი თვალსაზრისით. პირველ რიგში, რა თქმა უნდა, იმიტომ, რომ ეს ამწვავებს რუსეთის აგრესიას უკრაინის წინააღმდეგ და ეს არის ღრმა შეშფოთების საგანი ყველასთვის ნატო-ს მაგიდის გარშემო, მაგრამ ეს ასევე ორმხრივი გზაა. რუსეთსა და ჩრდილოეთ კორეას შორის ურთიერთობა მუშაობს ორივე მიმართულებით და არის ღრმა შეშფოთება იმის შესახებ, თუ რას აკეთებს ან შეიძლება, აკეთებდეს რუსეთი ჩრდილოეთ კორეის შესაძლებლობების გასაძლიერებლად, მისი სარაკეტო სიმძლავრის, მისი ბირთვული სიმძლავრის. ეს ასევე ეხება გამოცდილებას, რომელსაც ჩრდილოეთ კორეის ძალები იღებენ მცდელობებში რუსეთის მხარდასაჭერად უკრაინის წინააღმდეგ“, – განაცხადა ენტონი ბლინკენმა.
