დღეისთვის ჯავშანი „ფაიზერის“ 12 ათას დოზაზეა გაკეთებული. ჯანდაცვის მინისტრის მოადგილის თამარ გაბუნიას განმარტებით, ქვეყანა ელოდება დამატებითი დოზების შემოტანას.
"უკიდურესად დატვირთული იყო რეგისტრაციის პორტალი. დღეისთვის ჯავშანი „ფაიზერის“ 12 ათას დოზაზეა გაკეთებული. ვაქცინის მოწოდება უკვე დაიწყო. ჩვენ ველოდებით დამატებით დოზების შემოტანას. ამგვარად, მოსახლეობის უდიდეს ნაწილს, რომელსაც აქვს სურვილი „ფაიზერის“ ვაქცინა მიიღოს, რა თქმა უნდა, მოახერხებს რეგისტრაციას. შევეცდებით, როდესაც „ფაიზერის“ რაოდენობა გაიზრდება ქვეყანაში, პორტალის გარდა სხვა მექანიზმებიც აქტიურად გამოვიყენოთ. ცოცხალ რიგზე საუბარი ნაადრევია, რადგან ცოცხალი რიგი გამოიწვევს კიდევ დიდ არეულობას, კლინიკების რაოდენობას შეასუსტებს. თუმცა, საინფორმაციო ტექნოლოგიების მობილიზება მოხდება იმ კუთხით, რომ დოზების მოწოდებასთან ერთად რეგისტრაციის პროცედურა გამარტივდეს", - განაცხადა გაბუნიამ.
