კორონავირუსით ინფიცირების მაღალი მაჩვენებლები ზოგიერ ქვეყანას აიძულებს კვლავ დაუბრუნდეს შეზღუდვების რეჟიმს, მაშინ როდესაც მეცნიერები და ფარმაცევტული კომპანიები ცდილობენ უპასუხონ მნიშვნელოვან შეკითხვას - რამდენად ეფექტურია ამჟამად რეგისტრირებული ვაქცინები კორონავირუსის დელტა ვარიანტის წინააღმდეგ?

ერთი მნიშვნელოვანი გარემოება, რაზეც ყველა მეცნიერი და მკვლევარი თანხმდება, არის ის, რომ დღეს არსებული ვაქცინების უმეტესობას შეუძლია ადამიანის დაცვა დაავადების მძიმედ განვითარებისა და ჰოსპიტალიზაციისგან.

გაერთიანებულ სამეფოში ჩატარებული კვლევის თანახმად, რომლის ფარგლებში 14 019 ვაქცინირებულ ადამიანს აკვირდებოდნენ, დაასკვნეს, რომ "ფაიზერისა" და "ასტრაზენეკას" ორი დოზა უზრუნველყოფენ 96%-იან და 92%-იან დაცვას.

რამდენიმე დღის წინ, კომპანია "ფაიზერი" გამოვიდა წინადადებით, ვაქცინის მესამე ე.წ. ბუსტერ დოზის ინიციატივით. თუმცა აღნიშნა, რომ ორი დოზაც საკმარისად ეფექტურია ადამიანის ჰოსპიტალიზაციისგან დასაცავად.

გამოცემა Financial Times-მა სხვადასხვა ქვეყანაში ჩატარებული კვლევის შედეგების მიხედვით, მოამზადა ფაიზერისა და ასტრაზენეკას ვაქცინების დელტა ვარიანტის წინააღმდეგ ეფექტურობის ცხრილი

ფაიზერი

ფაიზერის ვაქცინის ერთი დოზა დელტა ვარიანტის სიმპტომატური ფორმის მიმართ ავლენს:

კანადაში ჩატარებული კვლევის მიხედვით 56%-იან ეფექტურობას

ინგლისსა და შოტლანდიაში ჩატარებული კვლევის მიხედვით 33%-იან ეფექტურობას

ორი დოზის შემთხვევაში წინა მონაცემები იზრდება და ასე გამოიყურება:

კანადაში - 87%

ინგლისში - 88%

ისრაელში - 64%

შოტლანდიაში - 83%

ასტრაზენეკა

ასტრაზენეკას ვაქცინის ერთი დოზა დელტა ვარიანტის სიმპტომატური ფორმის მიმართ ავლენს:

კანადაში ჩატარებული კვლევის მიხედვით 67%-იან ეფექტურობას
ინგლისსა და შოტლანდიაში ჩატარებული კვლევის მიხედვით 33%-იან ეფექტურობას

ორი დოზის შემთხვევაში მონაცემები ასე გამოიყურება:

ინგლისი - 60%

შოტლანდია - 61%

ფაიზერი

ვაქცინის ერთი დოზა დელტა ვარიანტით გამოწვეული ჰოსპიტალიზაციისგან დასაცავად ავლენს: 

78%-იან ეფექტურობას კანადაში

94%-იან ეფექტურობას ინგლისში

ორი დოზის შემთხვევაში მონაცემები გამოიყურება ამგვარად:

ინგლისში - 96%-იანი ეფექტურობა

ისრაელში - 93%-იანი ეფექტურობა

ასტრაზენეკა

ვაქცინის ერთი დოზა დელტა ვარიანტით გამოწვეული ჰოსპიტალიზაციისგან დასაცავად ავლენს: 

88%-იან ეფექტურობას კანადაში

71%-იან ეფექტურობას ინგლისში

ორი დოზის შემთხვევაში მონაცემები გამოიყურება ამგვარად:

ინგლისში - 92%-იანი ეფექტურობა