აშშ-ის პრეზიდენტმა დონალდ ტრამპმა განაცხადა, რომ კანადის პრემიერ-მინისტრმა ჯასთინ ტრიუდომ დაუშვა შეცდომა, რომელიც მას „ფულზე ძვირი დაუჯდება“. ასეთი განცხადება პრეზიდენტმა დღეს ტელეარხ „ABC“-სთან მიცემულ ინტერვიუში გააკეთა.
„მას არ უნდა გაეკეთებინა ეს. ეს შეცდომაა, რომელიც მას ფულზე ძვირი დაუჯდება“ - განაცხადა ტრამპმა.
შეგახსენებთ, რომ სკანდალი მოხდა მას შემდეგ, რაც კანადის პრემიერ-მინისტრმა ჯასთინ ტრიუდომ, ტრამპის „დიდი შვიდიანის“ სამიტიდან სინგაპურში გაფრენის შემდეგ, თითქოსდა განაცხადა, რომ ამერიკული გადასახადები "დამამცირებელია“ კანადისთვის და ის „არ მისცემს უფლებას ვინმეს თავი დააჩაგვრინოს“.
ამ სიტყვების უტყუარობის საკითხი ღიად რჩება, თუმცა ტრამპი ამტკიცებს, რომ სწორედ ასე იყო ნათქვამი.
დონალდ ტრამპი მიიჩნევს, რომ დიდი შვიდიანის ლიდერები „იყვნენ კმაყოფილები“ სამიტის ბოლო დღეს, რომელიც 9 ივნისს დასრულდა.
