ევროპარლამენტი ხვალ 13 ივნისს, სტრასბურგში, პარლამენტის პლენარულ სხდომაზე გამართავს საბოლოო ხმის მიცემის პროცედურას, 46 საპარლამენტო მანდატის გაუქმების შესახებ, მას შემდეგ რაც ბრიტანეთი გამოვა ევროკავშირის ქვეყნების რიგებიდან. იუწყება ასამბლეის პრეს-სამსახური.
მანამდე, თებერვალში, ევროპარლამენტის წევრების შემცირებას და გადანაწილებას ევროკავშირის 27 ქვეყნის ლიდერმა დაუჭირა მხარი.
ევროპარლამენტის მომავალი შემადგენლობისთვის დეპუტატების რაოდენობა 751-დან 705-მდე შემცირდება. მორიგი არჩევნები 2019 წლის 23-26 მაისს იგეგმება.
ევროპის საბჭოს მიერ დამტკიცების შემდეგ, გადაწყვეტილება საბოლოოდ უნდა დამტკიცდეს ევროპარლამენტის მიერ.
შეგახსენებთ, რომ დიდმა ბრიტანეთმა საბოლოოდ ევროკავშირი 2019 წლის ბოლოს უნდა დატოვოს.
