ამ წუთებში, თბილისის საქალაქო სასამართლოში ხორავას ქუჩაზე მომხდარი მკვლელობის საქმის ფარგლებში მოწმეზე ზემოქმედების ბრალდებით დაკავებულ მერაბ მორჩაძის პროცესი მიმდინარეობს.
სასამართლო დღეს აღკვეთის ღონისძიბის შეფარდების სალითხზე იმსჯელებს.
ბრალდების მხარე მორჩაძის პატიმრობაში დატოვებას მოითხოვს.
ბრალდებული ჩადენილ დანაშაულს არ აღიარებს.
"ბრალდების მხარე მორჩაძეს ედავება რომ მან ხორავას ქუჩაზე მომხდარ მკვლელობაში თვითმხილველი მოწმის მოსყიდვა მოახდინა", - განაცხადა ჟურნალისტებთან პროკურორმა თირნიკე ნადირაძემ.
შსს-ინფორმაციით, მერაბ მორჩაძემ, სასამართლოში ჩვენების შეცვლის მიზნით, გავლენა მოახდინა ბრალდებულ მ.კ.-ზე, რომელიც მკვლელობის ჩადენაში ამხელდა მერაბ მორჩაძის მეგობრის შვილს - ბრალდებულ გ.ჯ.-ს. მერაბ მორჩაძე არაერთხელ შეხვდა ძმებს - მ.კ.-ს და ლ.კ.-ს, ბრალდებულ გ. ჯ.-ს სასარგებლოდ ჩვენების შეცვლის მიზნით, გადასცა მათ გარკვეული თანხა და სანაცვლოდ მ.კ.-ს მოსთხოვა სასამართლოში ცრუ ჩვენების მიცემა, რომ თითქოს მ.კ.-ს დანაშაულის ჩადენის მომენტში გ.ჯ.-ს ხელში არ დაუნახავს მკვლელობის იარაღი. მერაბ მორჩაძე მ.კ.-ს ასევე დაპირდა სამართალდამცავ ორგანოებთან ჩვენების შეცვლით გამოწვეული შესაძლო პრობლემების მოგვარებას და საკუთარი კავშირების გამოყენებას საზოგადოებრივ აზრზე ზემოქმედებისთვის.
შედეგად, 2018 წლის აპრილში სასამართლოში ჩვენების მიცემისას, გამოძიებაში მიცემული ჩვენებისგან განსხვავებით, მ.კ.-მ განაცხადა, რომ მკვლელობაში ბრალდებულ გ.ჯ.-ს ხელში დანა არ დაუნახავს.
მორჩაზის მიმართ წაყენებული ბრალი ჯარიმას ან 3-დან 6 წლამდე თავისუფლების აღკვეთას ითვალისწინებს.
