ხორავას ქუჩაზე მომხდარი მკვლელობის საქმესთან დაკავშირებით, მოწმეზე ზემოქმედბის ფაქტზე მიმდინარე გამოძიების ფარგლებში შსს-მ ერთი პირი დააკავა. აღნიშნული ინფორმცია "ჯი-ეიჩ-ენს" შინაგან საქმეთა სამინისტროში დაუდასტურეს.
"ხორავას ქუჩაზე მომხდარი მკვლელობის საქმესთან დაკავშირებით მოწმეზე ზემოქმედების ფაქტზე მიმდინარე გამოძიების ფარგლებში მოპოვებული ახალი მტკიცებულებების გათვალისწინებით, მოსამართლის განჩინების საფუძველზე, სისხლის სამართლის კოდექსის 372-ე მუხლით დაკავებულია 1973 წელს დაბადებული მერაბ მორჩაძე. მერაბ მორჩაძის დაკავება განხორციელდა მკვლელობის ძირითადი საქმიდან გამოყოფილი იმ სისხლის სამართლის საქმის ფარგლებში, რომელზეც გამოძიებას შინაგან საქმეთა სამინისტრო აწარმოებს", - აცხადებენ უწყებაში.
ცნობისთვის, პირველ დეკემბერს, ხორავას ქუჩაზე მომხდარ მკვლელობას ორი არასრულწლოვნის, დავით სარალიძისა და ლევან დადუნაშვილის სიცოცხლე ემსხვერპლა.
აღნიშნულ საქმეზე ორი მოზარდია მსჯავრდებული. არასრულწლვან გ.ბ.-ს 14 წლის ვადით, თუმცა, არასრულწლოვანთა მარლმსაჯულების მიხედვით, მას სასჯელი ერთიმეოთხედით შეუმცირდა და საბოლოოდ, 10 წლის და 6 თვის ვადით თავისუფლების აღკვეთა განესაზღვრა.
გ.ჯ.- 13 წლის ვადით განესაზღვრა, არასრულწლოვანთა მართლმსაჯულების მიხედვით მას ვადა ერთინმეოთხედითშეუმცირდა და საბოლოოდ თავისუფლების აღჯვეთა 9 წლით და 9 თვით განესაზღვრა.
