ეკა ბესელია იურიდიული კომიტეტის თავმჯდომარეა და ხორავას ქუჩაზე მკვლელობის საქმის დროებით საგამოძიებო კომისიაში ნებისმიერ შემთხვევაში უნდა ყოფილიყო, – ამის შესახებ ფრაქცია „ქართული ოცნების“ თავმჯდომარე მამუკა მდინარაძემ ზაზა სარალიძის განცხადებას დაკავშირებით აღნიშნა.
მისი თქმით, ბესელია ის სისხლის სამართლის სპეციალისტია და ამ მიმართულებითაც ძალიან დიდი გამოცდილება აქვს.
„უმრავლესობა კომისიაში ისედაც უმცირესობითაა წარმოდგენილი და კომისიაში ექვსი წევრი ჰყავს. ამიტომ პერსონიფიცირება შედეგთან მიმართებით არანაირი მნიშვნელობის მატარებელი არ არის. აქედან გამომდინარე, ვფიქრობ, ამ საკითხის აქტუალიზაცია არ უნდა მოხდეს“, – განაცხადა მამუკა მდინარაძემ.
ცნობისთვის, ზაზა სარალიძემ კომისიიდან ეკა ბესელიას აცილება მოითხოვა. მისი თქმით, საგამოძიებო კომისიაში ეკა ბესელიას გარდა ყველას ენდობა.
