უფასო WiFi სისტემა ამბროლაურში. ამბროლაურის მუნიციპალიტეტის ინფორმაციით, ამბროლაურში უფასო WiFi სისტემა უკვე განახლდა.
პროექტი საწყის ეტაპზე სლოვაკეთის საელჩოს მხარდაჭერით განხორციელდა და 5 000 ევროს ოდენობით გრანტით დაფინანსდა. მომსახურების ყოველთვიურ ხარჯებს ამბროლაურის მუნიციპალიტეტის მერია უზრუნველყოფს.
ამბროლაურში ინტერნეტი ულიმიტო იქნება და ერთ ადამიანს სარგებლობა განუსაზღვრელი დროით შეეძლება.
პროექტის მიზანია ტურისტული პოტენციალის გაზრდა და მოსახლეობაში ინფორმაციული დონის ამაღლების ხელშეწყობა.
