.”ჯი-ეიჩ-ენი”. იუსტიციის მინისტრმა თეა წულუკიანმა ქარელის მუნიციპალიტეტის სოფელ ბერძენაულში საზოგადოებრივი ცენტრი გახსნა. აღნიშნული ცენტრი ბერძენაულისა და მიმდებარე სოფლების 8000-ზე მეტ მოსახლეს მოემსახურება და მათ 200-ზე მეტ საჯარო და კერძო სერვისს შესთავაზებს.
"ჩვენი პრიორიტეტი იყო, რომ საოკუპაციო ხაზის სიახლოვეს მდებარე სოფლები გაგვემაგრებინა და ყველას თითო კენჭი დაედო იმისათვის, რომ ასეთი სოფლები არ დაიცალოს. მგონია, რომ ეს საზოგადოებრივი ცენტრი, რომელიც არის 38-ე, თავის როლს შეასრულებს. აქ მოსწავლეებს საშინაო დავალების მომზადების საშუალებაც ექნებათ, რადგან უფასო კომპიუტერები, დარბაზი და წიგნები აქვთ. რაც მთავარია, ჩვენს პენსიონერებს, ჩვენი ერთგული პარტნიორების, "ლიბერთი ბანკისა და "მაგთის" დახმარებით შესაძლებლობა ექნებათ პენსია აქ აიღონ და აღარ მოუწევთ ქარელში სიარული", - განაცხადა წულუკიანმა.