საერთაშორისო ექსპერტთა ჯგუფმა მალაიზიური თვითმფრინავის ჩამოვარდნის მიზეზი დაადგინა. დასკვნაში ნათქვამია, რომ სამგზავრო თვითმფრინავი უკრაინის ტერიტორიაზე ბუკის ტიპის სარაკეტო დანადგარით ჩამოაგდეს. რაკეტა კი ლაინერს სნეჟნოეს დასახლებული რაიონიდან ესროლეს. გამოძიებით ასევე დადასტურდა, რომ ბუკის სისტემები აღმოსავლეთ უკრაინის ტერიტორიაზე რუსეთიდან შეიტანეს. სნეჟნოეს ტერიტორიას კატასტროფის მომენტში პრორუსი სეპარატისტები აკონტროლებდნენ. ბოინგ 777, რომელიც ამსტერდამი-კუალა-ლუმპურის რეისს ასრულებდა, სამხრეთ-აღმოსავლეთ უკრაინაში 2014 წლის ივლისში ჩამოაგდეს, რასაც 298 ადამიანი ემსხვერპლა.
