კონკრეტული ქვეყნებთან მიმართებაში აშშ-ის სახელმწიფო მდივანმა თავისი ვიზიტით მავანს ახალი ადმინისტრაციის დამოკიდებულება აჩვენა. ამის შესახებ "ჯი-ეიჩ-ენს" მამუკა არეშიძემ აშშ-ს სახლემწიფო მდივანის ჰილარი კლინტონის საქართველოში ვიზიტის შეფასების დროს განუცხადა.
"პირველად სიტყვა ოკუპაცია, ხაზს ვუსვამ, შედარებით მეორე ხარისხოვან დოკუმენტში იყო ნახსენები. მიუხედავად იმისა, რომ ეს დოკუმენტი თეთრი სახლის ადმინისტრაციისგან არის შექმნილი, მიმაჩნა, რომ ეს იყო ნიადაგის ერთგვარი მოსინჯვა საზოგადოებრივი აზრის და რუსეთის სავარაუდო რეაქციის. მანამდე ჩვენ ვიცით, რომ ანალოგიური ტიპის დემარში განახორცილეს ჩეხეთის და ლიტვის პარლამენტებმა და ესეც ამ საერთო კონტექსტში ჯდება. საერთოდ ამ სიტყვის ხმარება და კლინტონის ვიზიტი ხუთივე ქვეყანაში ერთ კონტექსტში უნდა განვიხილოთ, ასევე ერთ კონტექსტში უნდა განვიხილოთ მედვედევის ვიზიტის შემდეგ აშშ-ს სახელმწიფო მდივნის ვიზიტიც", - განაცხადა "ჯი-ეიჩ-ენთან" საუბარში მამუკა არეშიძემ.
მისივე თქმით, აშშ-ს ახალ ადმინისტრაციას როგორც შიგნით ჟურნალისტები და პოლიტოლოგთა წრეები, ასევე ქვეყნის გარეთ ხშირად აკრიტიკებენ, იმის გამო რომ ის ერთგვარად გაცივდა თავის მოკავშირეების მიმართ. მაგალითად ლეხ კაჩინსკის დასაფლავებაზე ამერიკის დელეგაციის საერთოდ არ ყოფნა იქ აღქმული იყო პირად შეურაცხყოფად, ამის გათვალისწინებით კლინტონის ვიზიტი ამ კონტექსტშიც მოიაზრება.
"ჰილარი კლინტონის ვიზიტს წინ რამდენიმე ნიშანდობლივი ფაქტიც უსწრება. ჯერ ერთი - ოკუპაციის ძალიან მნიშვნელოვანი ფრაზა, რომელმაც გაიჟღერა და არ უნდა დაგავიწყდეს გერმენიის კანცლერის ანგელა მერკელის მოულოდნელი დემარში რუსეთის წინაღმდეგ, როცა მან მოსკოვს დნესტრისპირეთიდან ჯარების გაყვანა მოსთხოვა, რაც მათთვის მართლა მოულოდნელი იყო. ჩემი აზრით, ერთგვარი "რომანტიკული ნიადაგის" მოსინჯვამ და "რომანტიკული პოლიტიკის" დრომ გაიარა ობამას ადმინისტრაციაში პრაგმატული პოლიტიკის დრო დაგა, დრო - თავის მოკავშირეების მოკრების", - განაცხადა არეშიძემ.
ამასთან, ექსპერტის შეფასებით, აშშ-ს სახელმწიფო მდივანის ჰილარი კლინტონის ვიზიტს ერთგვარი რევიზორული ფუნქციაც ჰქონდა, რადგან მას სურდა თავის თვალით ენახა და შეემოწმებიან რა ხდებოდა ამ ქვეყნებში, მათ შორის საქართველოში.
"რამდენად მოახერხა ჰილარი კლინტონმა 6 საათის განმავლობაში ამის გაკეთება რთული სათქმელია, მაგრამ დარწმუნებული ვარ, რომ მას წინასწარი ფუნდამენტური ინფორმაცია ჰქონდა. რამდენად იმოქმედებს საქართველოს ხელისუფლებაზე მისი საჯარო გამოსვლებში გაჟღერებული გზავნილები დემოკრატიის განვითარების და რუსეთთან კონფლიქტი არ დაწყების კუთხით ძნელი სათქმელია. მართალია არ ვიცით, რაზე ილაპარაკა მან მიხეილ სააკაშვილთან, მაგრამ ფაქტია, რომ აშშ-ს სახელმწიფო მდივანის ვიზიტი უბრალოდ გასეირნება არ იყო. მან ალბათ ამბავიც ჩამოიტანა და ინფორმაციაც მიიღო და კონკრეტული ქვეყნებთან მიმართებაში თავისი ვიზიტით მავანს აშშ-ს ახალი ადმინისტრაციის დამოკიდებულება აჩვენა", - აღნიშნა ექსპერტმა.
არეშიძის შეფასებით, აშშ პოლიტიკა, რომელიც აქამდე მოუქნელი იყო რუსეთის მიმართ ახლა ფორმა აქვს მიცემული და ცდილობს შეგონებით და დიდი პოლიტიკის მაქსიმალურად დაახლებით მიაღებინოს გადაწყვეტილების.
"აშშ-ს ადმინისტრაციის ერთ-ერთ მთავარ გამარჯვებად მივიჩნევ იმას, რომ მან შექმნა ისეთი წინაპირობა, რომ რუსეთის ფედერაციის პრეზიდენტი დიმიტრი მედვედევი თხოვნით ჩავიდა ამერიკაში და ეს არ იყო მეგობრული ვიზიტი. ის აშშ ტექნოლოგიების შეძენის თხოვნით ჩავიდა, რადგან რუსეთს სასიცოცხლოდ სჭირდება ახალი ტექნოლოგიების შეძენა, რადგან მათი ეკონომიკა ფაქტიურად სულს ღაფავს ამ ტექნოლოგიების გარეშე. შეერთებულმა შტატებმა კი კონტრღონისძიება იხმარა და მან თავის მოკავშირეების მიამართ უფრო მკაფიო და გასაგები ნაბიჯი გადაგა და მოსკოვს აგრძნობინა, რომ მას არ შეუწყვეტია თავის მოკავშირეების დახმარება და არ შეუცვლია მათდამი განწყობა", - აღნიშნა "ჯი-ეიჩ-ენთან" საუბარში არეშიძემ.
რაც შეეხება რუსეთის მიამართ კლინტონის ვიზიტის დროს გაკეთებულ მკვეთრ განცხადებებს, მამუკა არეშიძე მიაჩნია, რომ მაშინ, როცა რუსეთ-ამერიკის დაახლოება ხდება და კრემლი რიგი ეკონომიკური საკითხებით არის დაინტერესება რუსეთს ზედმეტად აგრესიულობას არ გამოავლენს.
შეგახსენებთ, რომ აშშ-ს სახელმწიფო მდივანი ჰილარი კლინტონი თბილისს დღეს, 12:00 საათზე ეწვია. ვიზიტის ფარგლებში კლინტონი ლიდერ ქალებს, საქართველოს პრეზიდენტს მიხეილ სააკაშვილს, ირაკლი ალასანიას და გიორგი თარგამაძეს შეხვდა. კლინტონმა საქართველოში მიმდინარე პოლიტიკური და ეკონომიკური პროცესების დადებითად შეაფასა და საქართველოს მთავრობას მხარდაჭერა აღუთქვა.
ამასთან, აშშ-ს სახელმწიფო მდივანმა თბილისიდან კრემლს კიდევ ერთხელ მოუწოდა საქართველოს ოკუპირებული ტერიტორიებიდან ჯარის გაიყვანოს და 2008 წლის 12 აგვისტოს ცეცხლის შეწყვეტის შესახებ ხელშეკრულება შეასრულოს. ასევე, კლინტონმა აშშ-ს პრეზიდენტის სახელით საქართველოსადმი ტერიტორიული მთლიანობისა და სუვერენიტეტის მხარდაჭერა კიდევ ერთხელ დაადასტურა და აღნიშნა, რომ აშშ საქართველოს ნატოში გაწევრიანებას მხარს უჭერს. აშშ-ს სახელმწიფო მდივანმა საქართველო უკვე დატოვა.
