Associated Press (AP) გამოკითხულ ექსპერტებზე დაყრდნობით წერს, რომ ადვილი შესაძლებელია რუსეთის პრეზიდენტი ვლადიმირ პუტინი, სამხედრო გამარჯვებასთან თავს ახლოს გრძნობდეს.
გამოცემა აღნიშნავს, რომ რუსული ძალები ფრონტზე „სტაბილურად წინ მიიწევენ“, რუსეთის ეკონომიკა ჯერ არ დანგრეულა, განსხვავებული აზრის მიმართ რეპრესიები კი გამორიცხავს შიდა ზეწოლას, რამაც შეიძლება აიძულოს პუტინი დაასრულოს ომი.
ფინეთის ყოფილმა პრეზიდენტმა საული ნიინისტემ აღნიშნა, რომ პუტინი "სისტემურად" ფიქრობს, ხოლო ტრამპი "სწრაფ" გადაწყვეტილებებს ეძებს, იქცევა როგორც ბიზნესმენი.
როგორც AP წერს, ამიტომ სავარაუდოდ, ორივე ვერასოდეს მიაღწევს შეთანხმებას.
პირიქით, პუტინი გააგრძელებს ნელ-ნელა სვლას რუსეთის ფედერაციის სამხედრო პოზიციების განმტკიცებისა და როგორც კიევის, ისე დასავლეთის პოლიტიკური ნების შესუსტებისკენ.
ჟენევაში ყოფილი რუსი დიპლომატი ბორის ბონდარევი, რომელმაც თანამდებობა დატოვა უკრაინაში რუსეთის შეჭრის შემდეგ, ვარაუდობს, რომ პუტინი იმედოვნებს, რომ დაელოდოს როდის მობეზრდება ტრამპს უკრაინაში მიმდინარე ომის თემა და ყურადღებას სხვა საკითხებზე როდის გადაიტანს.
რუსეთში დიდი ბრიტანეთის ყოფილი ელჩი ლორი ბრისტოუ აღნიშნავს, რომ რუსები მოლაპარაკებებშიც რომ შევიდნენ, ეს არ ნიშნავს რომ ისინი მზად არიან რეალური კომპრომისისთვის.
მისი თქმით, რუსეთის მოლაპარაკებების სტრატეგია ასე გამოიყურება: „რაც ჩემია, ჩემია, ხოლო რაც შენია, მოლაპარაკების საგანია“.
ბონდარევი ეთანხმება ამ მოსაზრებას და აღნიშნავს, რომ პუტინისთვის მოლაპარაკებები უბრალოდ საშუალებაა, რომ უბრძოლველად მიიღოს ყველაფერი, რაც მას სურს.
დიპლომატს „უცნაურად“ მიაჩნია, რომ დასავლელ ლიდერებს ჯერ კიდევ არ ესმით კრემლის ტაქტიკა.
მისი აზრით, პუტინი, დიდი ალბათობით, მზად იქნება ტრამპთან შეხვედრისთვის, რადგან ასეთი შეხვედრა რუსეთს, როგორც გლობალურ ძალას წარმოაჩენს, მაგრამ კრემლს თავის მხრივ არაფერი ექნება შესათავაზებელი.
