ხუთშაბათს, თვითმფრინავი, რომლის ბორტზეც 10 ადამიანი იმყოფებოდა, ალასკის ცაზე გაუჩინარდა.
გაუჩინარების მომენტში თვითმფრინავი ნორტონის ყურის თავზე იმყოფებოდა.
ალიასკის საზოგადოებრივი უსაფრთხოების დეპარტამენტის ცნობით, Bering Air-ის თვითმფრინავი ასრულებდა რეისს ქალაქ უნალაკლეეტიდან ქალაქ ნომისკენ.
ბორტზე ცხრა მგზავრი და პილოტი იმყოფებოდა.
აშშ-ის სანაპირო დაცვის ინფორმაციით, თვითმფრინავი გაუჩინარებისას ნაპირიდან 19 კილომეტრში მდებარეობდა.
მიმდინარეობს სამძებრო-სამაშველო სამუშაოები.
უნალაკლეეტი არის მომცრო ქალაქი დასავლეთ ალასკაში, ნომის სამხრეთ-აღმოსავლეთით დაახლოებით 240 კილომეტრში და ანკორიჯიდან ჩრდილო-დასავლეთით 640 კილომეტრში. ქალაქში დაახლოებით 690 ადამიანი ცხოვრობს.
ბოლო დღეებში ეს არის მესამე დიდი საავიაციო ინციდენტი შეერთებულ შტატებში. 29 იანვარს, აშშ-ის დედაქალაქ ვაშინგტონთან, სამგზავრო თვითმფრინავი და სამხედრო ვერტმფრენი ერთმანეთს შეეჯახა, რის შედეგადაც 67 ადამიანი დაიღუპა.
ორი დღის შემდეგ, 31 იანვარს, ფილადელფიაში სამედიცინო სატრანსპორტო თვითმფრინავი ჩამოვარდა, რის შედეგადაც ბორტზე მყოფი ექვსი ადამიანი დაიღუპა, ერთი კი ხმელეთზე.
