მექსიკაში, ქალაქ ესკარსეგას მახლობლად, ავტობუსს სატვირთო მანქანა დაეჯახა, რასც სულ მცირე 30 ადამიანი ემსხვერპლა.
მედიის ცნობით, სამგზავრო ავტობუსი კანკუნიდან (კინტანა როოს შტატი) კომალკალკოში (ტაბასკოს შტატი) მიემგზავრებოდა.
წინასწარი მონაცემებით, სატვირთო ავტომობილი შემხვედრ ზოლზე გადავიდა და ავტობუსს შეეჯახა. შეჯახების შედეგად ორივე სატრანსპორტო საშუალებას ცეცხლი გაუჩნდა.
ავტობუსში 39 მგზავრი იმყოფებოდა. ცნობილია, რომ მხოლოდ რვა ადამიანი გადარჩა.
ტაბასკოს გუბერნატორმა ხავიერ მეიმ დაადასტურა უბედური შემთხვევა და დაღუპულების ოჯახებსა და მეგობრებს მიუსამძიმრა.
