ბალტიის ზღვაში, სადაც ნატოს წყალქვეშა კაბელები რამდენჯერმე გაურკვევლი მიზეზებით დაზიანდა, კიდევ ერთი წყალქვეშა კაბელი გაწყდა, რომელიც რუსეთის ექსკლავს კალინინგრადს სანკტ-პეტერბურგთან აკავშირებს.
როგორც რუსული სააგენტო „ტასი“ რუსულ კომპანია „როსტელკომზე“ დაყრდნობით იუწყება, კაბელი „გარე ზემოქმედების შედეგად“ დაზიანდა. ამჟამად მიმდინარეობს აღდგენითი სამუშაოები.ფინური მედია განმარტავს, რომ ფინეთის ეკონომიკურ ზონაში კალინინგრადისა და პეტერბურგის დამაკავშირებელი კაბელი გაწყდა.
შესაბამისად, იქ სარემონტო სამუშაოები ფინეთის სანაპირო დაცვის ზედამხედველობით მიმდინარეობს. ასევე აღნიშნულია, რომ კაბელის დაზიანების შესახებ 27 დეკემბერს გახდა ცნობილი. ორი დღით ადრე ესტონეთისა და ფინეთის დამაკავშირებელი რამდენიმე კაბელი დაზიანდა.
მაშინ ფინეთის ხელისუფლებამ დააკავა რუსული ტანკერი Eagle S, რომლის ეკიპაჟი ეჭვმიტანილია წყალქვეშა კაბელების განზრახ დაზიანებაში.
ფინეთის ხელისუფლებამ უარი თქვა კომენტარის გაკეთებაზე იმის შესახებ, შესაძლებელი იყო, თუ არა რუსებს შემთხვევით დაეზიანებინათ საკუთარი კაბელი.
