დღეს, 21 თებერვალს, 15 საათზე, ჩერქეზული კულტურის ცენტრში, ჩერქეზი მწერლის აჯუკ გირეის (მიხეილ ლოხვიცკის) ხსენების დღესთან დაკავშირებით გაიმართება პროფესორ ნუგზარ ანთელავას წიგნის „ჩერქეზული კულტურა" პრეზენტაცია.
ღონისძიებას დაესწრებიან საგანგებოდ ამ თარიღისთვის მოწვეული ჩერქეზი სტუმრები ჩრდილოეთ კავკასიიდან, საქართველოს კულტურისა და ძეგლთა დაცვის სამინისტროს ხელოვნებისა და განათლების დეპარტამენტის დირექტორი იამზე გვათუა, ქართველი მწერლები, მეცნიერები და კულტურის მოღვაწეები.
