ჟენევის მოლაპარაკებათა თანათავმჯდომარეები თბილისში იმყოფებოდნენ, რის შემადეგაც სოხუმში გაემგზავრნენ .აფხაზი სეპარატისტები აცხადებენ, რომ თანათავმჯდომარეებმა შეხვედრის ფორმატთან დაკავშირებით ახალი წინადადებები შეიმუშავეს.
რეინტეგრაციის საკითხებში საქართველოს სახელმწიფო მინისტრი პაატა ზაქარეიშვილი სააგენტო "ჯი-ეიჩ-ენთან" საუბარში თანათავმჯდომარეების მიერ შემუშავებულ ახალ წინადადებებზე საუბრისას აცხადებს, რომ ქართული მხარის მიერ საუბარი იმაზე, რაზეც თანათავმჯდომარეები საუბრობენ, არასწორია.
" ჩვენს მიერ საუბარი იმაზე, რაზეც თანათავმჯდომარეები საუბრობენ, არასწორია. რა თქმა უნდა, გარკვეული წინადადებები წარმოგვიდგინეს, ჩვენ ამაზე ვმსჯელობთ, გარკვეულ ნაწილზე ვთანხმდებით, გარკვეულზე - ვერ ვთანხმდებით.
იმის შესახებ, თუ რა თემები განიხილეს ამა თუ იმ რაუნდზე მონაწილეები დისკუსიების რაუნდის შემდეგ გამართულ ბრიფინგებზე საუბრობენ. მანამდე კი ლაპარაკი, თუ რაზე ისაუბრეს თანათავმჯდომარეებმა, არაკომპეტენტურობის ნიშანია", _ აცხადებს ზაქარეიშვილი სააგენტოსთან საუბარში.
მასალის გამოყენების პირობები
